ConcertArt

ConcertArt é un equipo multidisciplinar, formado por músicos, artistas e docentes que abarcan diferentes proxectos musicais en distintos ámbitos do escenario.

Nacemos por un sentimento común en relación co poder que a música pode chegar a ter no ser humano. Cremos que a arte contribúe, de maneira indiscutible, ao benestar social, á mellora das nosas capacidades cognitivas e á xestión das nosas emocións. Por iso, os nosos programas propician diferentes espazos onde se atopan a arte e as persoas.

De acordo con esta vocación, desenvolvemos programas didácticos da man de EDUCONCERTS, ofrecemos concertos de música de cámara grazas a ENSEMBLE CONCERTART, DÚO GAMMA ou o CUARTETO NOVECENTO e organizamos sesións musicais destinadas a colectivos sociais con carácter voluntario da man de SANARTE.

EDUCONCERTS

A área educativa deste proxecto, Educoncerts, nace cunha clara vontade de achegar as artes e os procesos creativos a todo tipo de público, en especial, ás familias e aos escolares. Cremos que é indispensable coidar a relación entre as actividades artísticas e culturais e a forma en que se transmiten á sociedade para que a asistencia a concertos se converta nun hábito, máis que nun acto ocasional ou esporádico.

Estes concertos parten da mesma idea: a combinación de música e palabra, dúas linguaxes que, ao unirse, permiten transmitir á perfección os conceptos clave de cada proxecto. Por exemplo “O conto das catro Estaciones de Vivaldi”, “O conto de Nadal”, ou “A historia do crebanoces” preséntanse en forma de narrador e cuarteto de cordas, ou “O paseo polas sinfonías de Beethoven” e “Celebracións musicais en familia” dedicado exclusivamente a formacións de gran tamaño con presentador.

VER MÁIS

MÚSICA DE CÁMARA

ENSEMBLE CONCERTART

O Ensemble ConcertArt é un grupo flexible creado co propósito de difundir o repertorio camerístico de estilos que abarcan desde o Barroco ata o século XXI. Esta viaxe polas diferentes épocas musicais reúne pezas crave na música de cámara en formacións de corda, corda con piano, corda con vento ou vento con piano na que os membros de ConcertArt contan, en ocasións, con músicos convidados doutras formacións.

VER MÁIS

DÚO GAMMA

O dúo Gamma nace en 2013 coa intención de explorar o rico repertorio para a formación de cello e piano. Formado pola pianista Elisa Martín e o violonchelista Millán Abeledo, establécense como dúo estable paralelamente ás súas traxectorias musicais independentes asentadas en Santiago de Compostela.

VER MÁIS

CUARTETO NOVECENTO

Fórmase en 2016 e os seus membros fundadores son Ildikó Oltai, Irina Gruia, Ioana Ciobotaru e Millán Abeledo. Todos eles membros da orquestra Real Filharmonía de Galicia deciden unirse e formar un cuarteto de corda estable que interpreta obras pouco coñecidas de compositores desde 1900 ata os nosos días.

VER MÁIS

SANARTE

Apostamos polo voluntariado para fomentar a participación de artistas en accións orientadas á sensibilización e transmisión de valores, así como noutras actividades que teñen como obxectivo mellorar as condicións de vida das persoas ás que se dirixen os nosos proxectos.

SanArte créase en decembro do 2016 para tocar unha vez ao mes na aula de pediatría do hospital de Santiago de Compostela e, así, mellorar as estancias hospitalarias de pacientes, familiares e persoal sanitario.

VER MÁIS

Equipo ConcertArt

O noso equipo está formado por:

Irina Gruia
Irina GruiaViolín e presentadora, CEO ConcertArt
Irina, CEO do Grupo ConcertArt, é violinista na Real Filharmonía de Galicia e no Cuarteto Novecento, ademais de ser creadora e presentadora de varios proxectos musicais educativos.
Iriana Fernández
Iriana FernándezViola e xerente proxectos SanArte
Iriana, xerente de SanArte e violista da Real Filharmonía cre fielmente en achegar a música a todos os públicos polo poder que exerce nas nosas emocións.
Simon Lewis
Simon LewisTrompa e xerente Ensemble ConcertArt
Simon é xerente do Ensemble ConcertArt e trompa da Staatsorchester Rheinische Philharmonie, Koblenz, é un fervente afeccionado da música de cámara en todas as súas formacións.
Soledad Felloza
Soledad FellozaNarradora e xerente proxectos Educoncerts
Soledad, xerente dos proxectos Educoncerts é actriz, contadora de historias, fotógrafa, escritora de LIJ e directora do Festival Internacional de Narración Oral.
Ildiko Oltai
Ildiko OltaiViolín, Cuarteto Novecento
Ildikó é primeiro violín do Cuarteto Novecento, membro da Real Filharmonía de Galicia, profesora da Escola de Altos Estudos Musicais, ademais de ser licenciada en linguaxe musical, harmonía e dirección de coro.
Ioana Ciobotaru
Ioana CiobotaruViola, Cuarteto Novecento
Ioana é violista do Cuarteto Novecento e membro da Real Filharmonía de Galicia desde o ano 2001 e é ademais Viola solista do TAC (Taller Atlántico Contemporáneo).
Millán Abeledo
Millán AbeledoViolonchelo, Cuarteto Novecento & Dúo Gamma
Millán, violonchelista en Dúo Gamma, Cuarteto Novecento, Bambú Ensemble, Real Filharmonía de Galicia e profesor nas Escola Berenguela, trata de cultivar todas as vertentes musicais no seu día a día.
Elisa Martín
Elisa MartínPiano, Dúo Gamma
Elisa, pianista do Dúo Gamma e Trío Mosaicos e profesora de piano desde 2015 na escola En Clave de Santiago de Compostela, conta cunha ampla formación na pedagoxía do piano, ademais de ser licenciada en Historia.