Ensemble ConcertArt-(Rumanía, Hungría, Alemania, León, Galicia )

O Ensemble é a conxunción da narración oral na voz de Sole Felloza e a maestría musical do cuarteto de cordas formado por Irina Gruia, Ildikó Oltai, Iriana Fernandez e Thomas Piel, integrantes todos da Real Filharmonía de Galicia.

Sole Felloza- Voz

Actriz, contadora de historias, fotógrafa, escritora e dramaturga.

Directora do Festival Internacional de Narración Oral Atlántica, con sede en Galicia.

Literatura infantil:

  • A Cociñeira do rei (OQO, 2015) Premio Europeo de Narración Oral ao Mellor conto para nenas e nenos. Traducido ao portugués, polaco, e linguas oficias de España.
  • La Vuelta al mundo (La Fragatina, 2017) Castelán e tradución ao italiano.

Columnista invitada en diferentes publicacións literarias e de teatro: Tantágora, Aedo, Clij, Primer Acto.

Docencia en narración oral:

  • Directora da posta en escena do Instituto do Mediterráneo de Pepe Monleón do espectáculo “Tirant Lo Blanc”, con mozos de capacidades diferentes de sete países de Europa, e de “As mulleres e o mar”, no Centro de Arte de Argel (Primeira xeración de mulleres graduadas da escola).
  • Imparte obradoiros de teatro nos Centros Penitenciarios de mulleres de Teixeiro e para monitores de diferentes centros Penitenciarios da Península para o Ministerio de Xusticia de España.
  • Obradorios de Narración Oral para Centros de Ensino, Formación Profesional e Centro Xove da Almáciga.
  • Ten ditado obradoiros de Narración Oral na Universidade de San Juan (Alacante), na Jaume I de Castellón, na Miguel Hernández de Elche, na Universidade de Carabobo (Venezuela) e en diferentes centros de formación docente de Uruguay, Cuba e España.

Animación á lectura e traballo con bibliotecas:

Integra o Circuito de Bibliotecas de Oleiros no marco da “Hora do conto” traballo que tivo no 2007 a mención especial do Premio María Moliner a mellor campaña de animación a lectura de ese ano e no 2008 a primeira mención, e no 2012 o Premio Nacional; a Hora do Conto das Bibliotecas de Ferrol, Ourense e Lugo, o grupo de narradores dos Centros Socioculturais de Santiago, o grupo de narradores do Salón do Libro de Pontevedra, de Carballo e das actividades de Narración Oral da ASPGA (Asociación Pedagóxica de Galicia) e a Guía de Recursos
de Animación á lectura de Castilla La Mancha, a Guía de Recursos e Narradores da Comunidade de Madrid, o Catálogo Lector da Comunidade Valenciana e o Proxecto Letras Vivas e Ler Conta Moito da Xunta de Galicia. Animación a lectura na Rede de Bibliotecas Escolares de Galicia.

Circuitos teatrais:

Participa desde o ano 2002 no Circuíto de Artes Escénicas de Aragón, Navarra, Castela A Mancha e Málaga, con Festivais de Narración Oral de América Latina e Europa.

Algunhas das actuacións en Festivais de Narración Oral nos últimos anos.

II Bienal de Oralidad de Santiago de Cuba,V Encuentro por el Arte de Montevideo. Fiesta de la Palabra de Uruguay, III Festival Sudamericano de Santiago de Chile e Valparaíso, Festival Internacional de la Oralidad (2001 e 2002) de Elche, Jaca, País Vasco, Valencia, Lleida, Castellón, Vila Real, Barcelona e Toulouse, XIII Festival de Teatro de Torreperogil, X Festival Internacional de la Oralidad de Barquisimeto, Mérida, Valencia e Caracas, Madrid de Cuentos de 2002 a 2004, 2008 a 2010. Ciclo Otoño Cultural da Universidade de Segovia, Campaña de Teatro escolar da Diputación de Zaragoza (novembro 2002 e 2003, 2005, 20010, 20015) Maratón e nos Viernes de Cuentos de Guadalajara dende o 2002 ao 2015 Feria del Libro de Lima (2007), Festival de Granada “Los caminos de la memoria” V Festival de la Oralidad de Cadiz, X Festival de Narración de Los Silos XV Festival de Teatro de Agüimes (Canarias),Feria de Teatro de Huesca V Semana do Humor de Silleda, Ciclo de Teatro do Mundo, no Forum da Coruña Ciclo de Homenaje a Cervantes, polos 500 anos do Quixote, en Roma e Bruxelas Festival de Palavras Andarilhas, de Beja, Festival Faro, Faro (2013) Terra Incognita de Lisboa (2011-2013-2016), II Mostra de Narració Oral de Ibiza V edición do Festival de la palabra de Perú (2014), Sete falares de Pontevedra (2014), Festival Un Porto de Contos- Oporto (edición 2015) Ciclo Lareta de Redondela (2015), Festival EVA de Madeira (2016-17) Festival de Narración Oral de Azores (2016-17) Festival Munt de Mots de Barcelona (2016), Sierra Encuentada Huelva (2017) Encontro Iberoaméricano de Lisboa (2017), Feira do Libro de Sopot-Polonia (2017),Festival Falando a Boca Chea de A Coruña (2017-18-19-21) II Ciclo de Narración Oral de Pazos de Borbén (2017), Ciclo de Narración Oral de Salamanca (2017), Festival de Perto O Barco de Valdeorras (2017) Festival Cardemots-Catalunya (2018), Festival Mindelact (Cabo Verde-2018) Festival Abrapalabra de Estoril (2019),Festival de Garganta la Olla (2020-2022) I Edición dos “Seráns de Tapia” (2021), XXIV MIT – Mostra Internacional de Teatro – Valongo-Portugal (2021), IV Candeia-Mostra Internacional de Narración OralSalvador de Bahía (2021, I Ciclo de Narración Oral del Castillo de Fuengirola (2021), I Festival de Música e palabras- Alija, León (2022), Salón do Libro de Pontevedra (2004- 2022)

Irina Gruia Gruia– Violín

Violinista, profesora de música, presentadora concertos didácticos, membro fundador da Asociación ConcertArt.

EXPERIENCIA ORQUESTRAL

  • 2003- actualidade, violinista Real Filharmonía de Galicia, Santiago de Compostela, España.
  • 2013, colaboración coa Orquestra Filarmonica de Málaga, España.
  • 2001-2002, axuda de concertino, Orquestra de Cámara Connecticut Virtuosi, EEUU.
  • 2000-2001, Principal Segundos Violíns, Orquestra de Cámara Connecticut Virtuosi, EEUU.

EXPERIENCIA DOCENTE

  • 2003- actualidade, profesora de violín e linguaxe musical.
  • 2013, profesora de violín, Escola de Altos Estudos Musicais, Santiago de Compostela, España.
  • 2012-2017, licenciada en Método Kindermusik, imparte clases de música e movemento en inglés en:
    • Escola Infantil Kidsgarden
    • Escola Cativos e Colorín Colorado
    • Festival AMILADO
    • Escola de música Berenguela
    • Escola de música Shamajian

EXPERIENCIA DIDÁCTICA:

  • 2018- actualidade, proxecto “E Vivaldi tróuxonos as estacións” , actúa como violín solista e presentadora nalgúns colexios.
  • 2016-2018 presentadora concertos didácticos e familiares da Real Filharmonía de Galicia.

EXPERIENCIA DE MÚSICA DE CÁMARA E SOLISTA:

  • 2021- actualidade, violinista, ConcertArt Trio.
  • 2017- actualidade, violinista, Ensemble ConcertArt .
  • 2017- actualidade, violín solista, proxecto “E Vivaldi tróuxonos as estacións”.
  • 2016- actualidade, violinista e membro fundador Sandarche, grupo de músicos que promoven o voluntariado musical en hospitais, ONGs e colectivos desfavorecidos.
  • 2016- actualidade, violinista, Cuarteto Novecento .
  • 2005-2011- solista, Orquestra Filarmónica Brasov & Orquestra Filarmónica Sibiu, Romanía.

ESTUDOS

  • 2000-2002 Conservatorio Universidade de Hartford, Escola de Música Hartt, Connecticut, EEUU, Diploma Bachelor in Music.
  • 1998-2000 Universidade Lynn, Conservatorio Harid, Boca Rato, Florida, EEUU.
  • 1986-1998 Instituto de Artes , Brasov, Romanía.

Ildikó Oltai – Violín

Nacida en Budapest (Hungría), realizou os seus estudos superiores na Academia de Música Franz Liszt da súa cidade natal. Graduouse en 1995 como Profesora de Teoría da Música e Directora do Coro, e en 1996 obtivo o título Superior de Concertista e Profesora de violín.

Traballou na Orquestra de Cámara Erkel Ferenc de Budapest como axudante de concertino, no Cuarteto de Corda «László Lajtha» , na Orquestra Sinfónica de Franz Liszt de Budapest como concertina e na Orquestra Sinfónica Ernö Dohnányi de Budapest como concertina e varias veces como solista.

Co Cuarteto «László Lajtha» e coa Orquestra “Ferenc Erkel” ten realizado varias gravacións coa compañía Naxos .

Desde 1996 é membro da Real Filharmonía de Galicia, e desde o ano 2001 é profesora de violín e música de cámara na Escola de Altos Estudos Musicais.

Actuou como solista coa RFG baixo a dirección de Paul Daniel en 2008, e interpretou o 2º Concerto para violín de Béla Bartók con Antoni Ros Marbá en 2010.

Iriana Fernández Llamazares- Viola

Nace en León onde comeza a tocar a viola á idade de dez anos no Conservatorio Profesional de Música de León. Finalizadas as ensinanzas medias, inicia en Oviedo o Grao Superior baixo a tutela de Luis M. Muñíz e Igor Suliga. Nesta etapa participa como membro da Joven Orquesta Nacional de España (JONDE), a orquestra Oviedo Filarmonía e a orquestra de cámara da Fundación Príncipe Felipe de Oviedo, entre outras. En 2008 trasládase a Alemaña para cursar un Máster Profesional Performance na Universidade de Essen, co profesor de viola Emile Cantor e o profesor de música de cámara Andreas Reiner. Dos estudos de música de cámara nace o quinteto de corda con piano “César Ensemble”, co que participa en numerosos festivais tanto en España como Alemaña. Con posterioridade cursa un Máster de Especialización Orquestal co profesor Jürgen Kussmaul na Universidade de Düsseldorf. Participa como viola convidada das orquestras de Essen, Dortmund, Duisburg, Osnabrück, Münster, Hagen, Flensburg ou Koblenz; asemade, desenrola o seu labor profesional coa orquestra Bochumer Symphonker (Bochum).

Desde abril de 2016 é membro da Real Filharmonía de Galicia como viola tutti

Thomas Piel- Violoncello

Nace en Colonia (Alemania). Comeza os seus estudos musicais no conservatorio da súa cidade natal e continúa a súa formación na Folkwang-Musikhochschule de Essen con Christoph Richter, onde obtivo a súa diplomatura con honra no 2000.

Posteriormente realizou un curso de postgrao con Ksenija Jankovich e asistiu a clases maxistrais con M. Carneiro, Y. Chiffoleau, S. Palm, T. Demenga e, no Folkwang-Festival, con M. Rostropovich. Colaborou coa Junge Deutsche Philharmonie e o Ensemble Resonanz. En 1998 foi cofundador do ensemble «eMeX», especializado en música contemporánea. Foi o primeiro violonchelo solista da Westphaelische Kammerphilharmonie Gutersloh entre 1997 e 2001, e participou na academia orquestral do Bayrischer Rundfunk baixo a dirección de M. Rostropovich. O seu interese polos grandes violonchelistas do pasado levouno a ofrecer recitais e conferencias sobre Gaspar Cassadó, Pau Casals, Enrico Mainardi e Paul Tortelier. Na actualidade é membro da Real Filharmonía de Galicia e ensina violonchelo na Escola de Música Berenguela en Santiago de Compostela.

 

Descarga nuestro CV en PDF haciendo click aquí